HII NDIO HALI HALISI YA VITAMBULISHO VYA UTAIFA MOROGORO

Na hivi ndivyo mambo yanavyoendelea mkoani Morogoro ambapo wanafunzi wa chuo kikuu cha SUA Morogoro wapo katika harakati za kufuatilia vitambulisho vya utaifa kutoka NIDA. Katika suala hili kumekuwa na changamoto mbalimbali kama vile kukosekana kwa elimu ya kutosha kuhusu namna ya kujaza fomu kwa usahihi na mambo mengine kama kukaa kwenye foleni kwa muda mrefu mpaka mtu uje upate kitambulisho hicho.

Baada ya kuzungumza na mmoja kati ya watu wa NIDA kuhusu changamoto ya kuwaelimisha watu kuhusu namna ya kujaza fomu hizo, Mheshimiwa huyo alisema kwamba watu inatakiwa wawaulize wengine wamejaza vipi hizo fomu au wanaweza kuitumia fomu ya mfano iliyobandikwa ili kufatisha namna ya kujaza vema hizo fomu.

Idadi ya wanafunzi ambao washafanikisha suala hilo ni ndogo ukilinganisha na idadi ya wanafunzi

waliopo chuoni hapo.Kwa sasa mambo yanaendelea vizuri na muda wa kufuatilia vitambulisho hivyo umeongezwa ili huduma hii iweze kutolewa kwa wote kama inavyotakiwa.